| 可能有好多人唔明，點解有時我哋講起啲大型Figure、雕像嘅時候就會話「召喚古天樂」，其實係因為佢有鋪轉儲1:1 Figure嘅癮，仲特登租咗個倉去放佢嘅珍藏，所以佢好有可能係全港唯一有呢個心、呢個錢同呢個地方去儲大型Figure嘅人。而身為《Star Wars》粉絲嘅佢，當年就係因為一隻1:1黑武士而跌落呢個坑，咁唔知佢對SIDESHOW出嘅呢隻1:1白兵又有冇興趣呢？ | |
| |
| 咁當然呢隻就唔會係歷史上第一隻1:1白兵啦！根據SIDESHOW，呢隻白兵同其他1:1白兵最唔同嘅地方，就係「從元祖三部曲的每集中抽取不同元素」，再合埋做一隻「我哋認為最完美的白兵」。唔明？唔緊要，講返啲大家都明嘅嘢。全高198cm，主要物料用上玻璃纖維(裝甲)，亦有少量嘅塑膠、金屬同布(例如槍袋)。而支E11鐳射步槍，就係電影後製公司「Legacy Effect」協力製作。總之就係好真啦！ | |
| |
| 呢隻1:1白兵嘅售價係7999美金，即係大約62000港紙，預計下年六月出貨。各位有興趣買嘅不妨同我哋講聲，因為我哋好有興趣知道你買咗之後可以擺喺邊——但如果係古天樂本人見到呢篇嘢，我哋就對你其實收藏更加有興趣啦！ | |
| SIDESHOW | |
