250萬人仔(約280萬港紙)可以做啲咩？你可以買個大圍溱岸8號嘅車位，又或一個屯門「菁雋」嘅128尺單位(仲有80萬)比你買傢私電器，或者係買起曼城前鋒阿古路一個禮拜(28萬鎊週薪，大概係280萬港紙)，甚至係買一隻集手機同陀飛輪手錶於一身嘅LeDix，但你可能都會覺得咁樣唔算識洗錢。既然係咁，我比多個選擇你——成為Tony Stark！因為中國廠商「TheToysAsia」啱啱宣佈會量產1:1 Iron Man Mk43盔甲，而開發成本就係250萬人仔！ | |
| |
| 你可能會問，1:1盔甲呢啲之前都有啦，使鬼用二百幾萬整出黎咩！嗱咁你此言就差矣啦！因為呢隻並唔係普通嘅1:1盔甲，而係由567個零件、46組犘打組成，可以打開嘅「Movable Armor Version」！前前後後用咗兩年開發，隨甲附送車匙大小嘅開關，只要撳個掣，就可以欣賞到歷時28秒嘅開甲過程，開完仲有電影原音配樂，又可以睇到哂入面嘅零件結構，係咪抵過買車位好多呢？ | |
| 用就用咗280萬黎開發，但賣就未知賣幾錢。唯一知嘅係件甲佔地1.2平方米(高2.4米)，即係大約13平方呎左右，啱啱就係「菁雋」單位嘅十份一。另外就係限量五十部，而且落完訂八個月就可以出貨。另外就算佢打開咗，應該都係放唔到人入去嘅，你可以死心啦。 | |
| Thetoysasia | |
