| 你鍾唔鍾意女人嘅胸部？你實鍾意啦，唔係你做咩會撳入黎呢篇嘢啫，唔通真係鍾意睇字咩？但你有冇諗過點解你會鍾意女人嘅胸部——又或者準確啲講，係「豐滿嘅胸部」？究竟作為一個男人，我哋係幾時「學識」女人嘅胸部係好嘢黎嘅？我哋幾時認同E級好過A級？竹筍又好過八字？而最根本嘅係，女性嘅胸部對於我哋究竟有咩吸引力？ | |
| |
| 我好多年前上網睇耶魯大學嘅心理學公開課程，入面講到男人對於女性胸部嘅鍾愛，好有可能係來自我哋嘅基因。佢話如果我哋喺小朋友嘅時候食唔飽，到大個嘅時候就會更傾向鍾意胸部較大嘅女性，因為我哋潛意識唔想自己嘅下一代同自己一樣一出世就食唔飽。換言之，女性嘅胸部大小其實係代表緊生養能力。美國埃默里大學嘅「轉釋社會神經學中心」主管Larry Young曾經撰文，指出有啲進化生物學家認為豐富胸部代表女性能夠累積脂肪，我哋從而(潛意識地)推論出呢個女性擁有健康身體，所以佢係一個適合「播種」的對象。Btw，唔好再話啲肥妹仔係「脂肪波」——胸部本身嘅主要「成份」就係脂肪，肥妹嘅問題唔係佢個胸係脂肪，係佢啲脂肪唔淨係存在喺佢個胸到，OK？ | |
| |
| Larry指出另一個我稱為「理事長理論」嘅解釋。佢話人類嘅祖先屬靈長類動物，而佢哋交配是通常係雄性由雌性嘅後方進入，亦即係當時雄性會見到雌性嘅Pat Pat。事實上現時有部份雌性猴子亦都會展現自己嘅臀部以吸引雄性。問題人類一來好少會長期對住人哋Pat Pat，二黎就算對到都有衫遮住，所以就退而求其次，選擇咗睇落同Pat Pat有啲似嘅胸部！換言之，胸部只係Pat Pat嘅替代品！同《監獄學園》入面理事長提出嘅理論一樣！ | |
| |
| 縱然上面兩個解釋各自都有爭議——「健康說」唔附合成本效益，因為如果係以傳播基因為目的，男性應該係見到女性就播種先會有最大機會，與胸部大小無關；「理事長理論」亦解釋唔到點解人類喺做愛時會偏好正面面對對方嘅姿勢(如傳教士姿勢)，甚至因為睇到對方嘅臉孔而感到特別歡愉——但反正可以指出男性對於胸部嘅熱愛並非後天而成，而係存在於我們嘅基因與本能之中。所以，如果下次被人捉到你眼甘甘望住女仔個心口唔放，唔好扮自己冇望，大方答人：我祖先教落嘅！話唔定佢見你有趣，會畀你黎個深入觀察！ | |
