好早上床
有時唔係因為想早啲瞓先一早上床，特別係夜貓囡囡如果突然早咗攤上床，好可能係想早啲開始同你喺床上慢慢玩，就算由前戲開始計大戰3小時，都唔會搞到太夜先瞓，第二朝冇精神早起返工。
特別黐身
如果囡囡冇事冇幹冇啦啦變得特別黐身，發晒姣咁撒嬌又係咁同你有肢體接觸，好大機會係想你回應佢熱情嘅身體，佢摸你時你又摸返佢，咁摸摸下會點？咁大個人仲使講出口咩？
主動錫你
老老竇竇，囡囡主動錫你唔係咩特別事，但如果囡囡主動咁keep住咀住你唔放，就好明顯係要激發你嘅慾火，同佢一齊焚身啦。
想同你一齊沖涼
除非係要慳水費又或者一齊夜媽媽返到屋企，想慳時間先一齊沖涼，如果唔係主動提出要赤裸裸、你摸下我我摸下你咁洗白白，試問又邊頂得順，分分鐘未沖完就忍唔住啪咗啦～ | 
