| 每次我哋喺Instagram、Facebook見到有女仔放自己嘅性感自拍，我哋一係話人「係雞係公廁」，一係就話「想出位都唔係咁啦」。雖然呢句嘢聽落就有啲奇怪(因為你睇到佢啲自拍而留意到佢，基本上都已經係出咗位架啦嘛)，但諗深一層實際上又真係喎，香港地好似又冇咩女仔係因為喺放自己嘅性感自拍而真係紅得起嘅人。但外國就有啦，好似今日要介紹呢位「Abigail Ratchford」咁，就係靠自拍起家架啦！ | |
| |
| 今年27歲嘅Abigail出身自美國賓夕凡尼亞洲，本身佢就係一個連大學都讀唔到嘅普通女仔，但自從2013年佢開始喺自己嘅Instagram發布自己嘅火辣照片之後，呢幾年黎佢就成為冒起得最快嘅模特兒/演員，後來更加移居洛杉磯。佢嘅掘起除咗因為佢有性感身材之外，其實都同佢喺社交網站嘅策略有關。喺一個訪問中佢直言係會特登放一啲明知會受歡近嘅相、片，再加一啲自己嘅生活上Instagram黎吸引讀者。而且佢唔會過多哋為其他品牌賣廣告，反而會推銷自己嘅產品，佢就覺得咁樣會令人更加容易接受佢。 | |
| |
| 而講到Abigail嘅成名作，就一定係一段佢著住性感內衣，隨住Zapp & Roger嘅《More Bounce to the Ounce》不停彈跳嘅影片。呢條不能言傳，只能意會嘅片喺佢Instagram有成11萬Like，2萬幾個回覆，更加得到外國媒體如《TMZ》等報導，將佢嘅名氣帶到另一個層次。 | |
| |
| 作為性感Icon嘅佢亦不介意談論性愛。佢就建議男士唔好心急，記住做足前戲同親吻，慢慢累積刺激感，女仔先會開心喎！簡單啲黎講呢，即係人哋唔會好似你依家咁，睇幾張相啲血就唔知去哂邊呀！學嘢啦！ | |
| abigailratchford on Instagram | |
