| 軒尼詩V.S.O.P每年都會搵知名藝術家合作，推出各個充滿藝術氣息嘅年度限量版V.S.O.P Privilège，而今年佢地就邀請咗來自米蘭嘅2人藝術組合「Carnovsky」，玩標誌性嘅R、G、B，紅綠藍三原色，幻化出富有電子舞動感覺嘅數碼世界。單睇顏色好似太過抽象，不過唔緊要，馬天佑領軍嘅Fame Glory，夥拍荷蘭多媒體藝術家FrankNitty3000，炮製出一系列圖片故事，其中包括 : 蔡卓妍x馬天佑、黃又南、周子駒、麥曦茵x Chris Cho，演繹黑夜都會中、霓虹燈光下嘅各種熣燦生活。 |
|
藍 (Blue) 代表促成V.S.O.P Privilège誕生嘅英皇喬治四世之皇冠，象徵被稱為「la part des anges」或「angel’s share天使分享」嘅翅膀。振翅高飛、擁抱自由，喺香港呢個環境尤其難得，黃又南話 :「沒人守護的話，香港地道文化就會被外來元素、時間洗擦淨盡，作為土生土長的香港人，我必需敢於捍衛本土文化。我最能做到的就是以我擅長的演戲，演活地道角色，一邊守護香港的一切，一邊追求我的演藝夢。」 |
|
綠 (Green) 則以自然景象傳達V.S.O.P Privilège嘅起源，主要係象徵葡萄藤、葡萄葉、花卉等大自然氣息，同時宣揚健康、生命力等等訊息，而呢隻色就搵咗熱愛跑步嘅司儀周子駒 : 「人類的一切美酒佳餚也是來自自然，每次在大自然中練跑，在汗水中，反思自然與人的平衡，令大自然生生不息，人得以繼續享有大自然資源。」 |
|
紅 (Red) 就象徵創造V.S.O.P Privilège所需要嘅Power & Energy，紅色圖層突出象徵陳釀 「生命之水」 所需時間嘅太陽同月亮；著名電影導演麥曦茵及藝術總監Chris Cho以佢地嘅創作激情、力量、活力去呼應V.S.O.P Privilège嘅紅色烈火。 |
|
咦，咁呀Sa同馬天佑自己呢? 呢兩個自稱「最佳好友」嘅組合就厲害啦，佢地代表三原色重疊而成嘅幻紫色，兩個活在當下嘅人，鐘意買衫，鐘意飲酒，可以笑對生活中任何事情，從而建立深厚嘅友誼。為咗表現呢種合拍，佢地特登跳咗Part舞，以證2人之默契。 |
|
