| 「一帶一路」呢個字係咪好耐冇聽過呢？又其實係咪到依家你都唔知佢究竟係啲咩黎呢？唔緊要，先唔好理嗰啲不知名嘅中東國家，因為今日要同你介紹嘅「一帶一路」係來自日本嘅！ | |
| |
| 準確啲，其實係「一帶一露」。講緊嘅就係由UNION CREATIVE(即係出性感《GANTZ》麗香Figure嗰間公司呀)出嘅「Ribbon Doll Collection」系列嘅第二彈。呢個系列最特別就係所有Figure都只係以一條絲帶遮住重要部位，而目前嘅頭兩彈都係來自《真．一騎當千》嘅女角，包括上面呢隻第一彈嘅「關羽雲長」，以及下面嘅第二彈「呂蒙子明」。 | |
| |
呢隻「呂蒙子明」以半跪嘅方式出現喺系列獨有嘅龍紋嘅禮物盒上，就有如情侶之間嗰啲「生日你想收咩禮物？」「你用條絲帶綁住自己送畀我咪得囉」嘅老土情話。標誌性嘅女僕裝同眼罩依然存在。雙手往背後拔劍嘅姿勢令到正面中門大開，僅以一條絲帶遮住胸前兩點，腹肌、腋下、鎖骨等性感位置一覽無遺。絲帶穿過跨下於背上綁成蝴蝶結，而長劍嘅末端亦巧妙地「攝」咗入佢兩腿之間，真係充滿幻想空間架！ 除咗誘人嘅造形之外，呢隻Figure本身嘅造功亦都保持UNION CREATIVE嘅一貫水準，尤其係把長劍更係非常仔細，就連卷柄嘅凹凸感都造埋出黎，而黑色絲帶亦有加入少少紅色黎做出底下嘅肉團要爆出黎嘅透明感。再加上比起第一彈嘅「關羽雲長」簡單，更加能夠睇清楚大家想睇嘅嘢！ | |
| |
| 呢隻「呂蒙子明」全高25cm(連埋個禮物盒)賣20304Yen，即係1400HKD左右，預計7月出貨。仲有粉姐色絲帶版，仲平啲添(只需18800Yen/1265HKD)。 | |
| Union-creative |
