最近發現好多巴打其實都鐘意飲Sake，其實日本清酒業非常重視香港市場，2015年10大日本清酒出口國，美國排第一，緊隨其後嘅已經係香港，出口金額達到22億日元，係非常誇張嘅數字。Sake風味極之多元化，可以辛口淡麗，又可以米香濃郁，用嚟襯日本菜更加係無得彈；今晚買枝清酒返屋企嘆之前，不如認識一吓Sake嘅8大級別，分清楚純米大吟釀嘅珍貴之處喺邊度先啦。 |
|
純米大吟釀 : 無添加釀造酒精、精米步合低於50%或以下、定點低溫發酵 大吟釀 : 有限量添加釀造酒精、精米步合低於50%或以下、定點低溫發酵 純米吟釀 : 無添加釀造酒精、精米步合低於60%或以下、定點低溫發酵 吟釀 : 有限量添加釀造酒精、精米步合低於60%或以下、定點低溫發酵 特別純米 : 無添加釀造酒精、精米步合低於60%或以下、常溫發酵 純米 : 無添加釀造酒精、常溫發酵 特別本釀造 : 有限量添加釀造酒精、精米步合低於60%或以下、常溫發酵 本釀造 : 有限量添加釀造酒精、精米步合低於70%或以下、常溫發酵 |
|
| 雖然8個級別睇落好似好複雜，但整個系統主要講兩個問題 : 一、將粒酒造好適米磨到幾細 (精米步合)；二、有無添加釀造酒精。前者以50%為界線，劃開大吟釀與吟釀，而後者則分出純米與非純米。評級之中以純米大吟釀為最高Ranking，因為精米步合代表萃取酒米精華嘅程度，而少用或者唔用釀造酒精係更容易誘發出自然酒香同酒質，無添加，自然係less is more。 |
|
| 不過，雖然話純米大吟釀最高級，但並非呢個級別嘅清酒一定最好飲。因為並非每種酒造好適米都適合磨到咁細 (有啲酒米磨得太細好易碎，例如五百萬石)，而各種酒米都有不同風格，如美山錦之淡麗與雄町之厚實強烈，路線迴異但又各有捧場客。從另一個角度睇，愈係高級嘅Sake，愈走優雅細膩之路線，唔係飲開Sake嘅巴絲打會覺得好似飲緊水，反而會唔慣；呢個時候唔強求級別，選擇米香、甜度較為明顯嘅作品，反會更容易得到女士們嘅喜愛。 |
