不同於西方社會，家人間會坦率講出「I love you」；唔少東方社會嘅傳統家庭，爸爸嘅設定多數都係沉默寡言嘅嚴父，所以好多時孩子都會黐媽媽多過黐爸爸，到孩子長大成人，先慢慢明白就算爸爸唔出聲，心底裡一樣好愛自己。最近日本就有個短篇漫畫，道出作為孩子，細個以為爸爸成日對自己感到不滿，到大個自己都做人爸爸，先知好多時身為人父唔係唔愛孩子，只係唔擅長表達情感，先令小朋友對自己有所誤會。

漫畫講述主角喺爸爸過身後回憶起，細個爸爸成日帶佢出去食飯，而爸爸每次好快就食完，一直好似嬲爆爆咁望住自己食飯，令主角誤會係咪爸爸嫌佢食飯食得太慢而忐忑不安。