| 琴日就講完「阿王」城城嘅緋聞履歷，咁依家要男女平等，冇理由又唔提下六月正式登基嘅「城嫂」究竟係咩人黎嘅！事實大家都會好好奇過去咁多女神都搞唔掂城城，呢位來自上海嘅方媛又係憑啲咩收伏呢匹野馬呢？ | |
| |
| 如果淨係講出身，方媛就唔算係咩名門出身。1988年出世嘅佢一直都係中國網紅，但其實又唔算太紅，2012年組成女團「Voodoo Girls」，以DJ身份攻港，又出過寫真集《Shining Moka》，但係都冇咩反應就返咗中國。之後就開始「轉形」做Leah Dizon同佐佐木希嘅翻版，2014年以性感路線復出，依然係冇咩聲氣。但就係呢個時間發生城城嘅「Instagram網交18嫩模」事件，雖然當時香港人嘅眼光都放喺Kabby Hui身上，但其實Moka都係18位之一。 | |
| |
| 到前年12月1日，城城先後喺傳媒面前為美人開路、再喺微博到上載十指緊扣嘅「這樣開車要慢一點」，方媛正式確立城嫂地位。至於點解佢會夾得實出咗名係冇雀腳仔嘅城城？首先你要問自己，究竟當年「這樣開車慢一點」之後，你仲記得啲咩關於Moka嘅嘢？答案就係冇！嗱呢點就係重點啦！你需知道過去往城城同任何人拍拖，幾乎都會成為城中茶餘飯後嘅話題，而佢嘅對象都會借勢上位。但偏偏Moka就放棄哂自己所有事業黎服侍城城，同時又保持低調，又細心又持家有道，咁城城咪自然放心收佢做後宮之首啦！ | |
| |
| 好啦，咁呢個故事教訓大家啲咩呢——唔係！唔係一樹梨花壓海棠！係要收伏一個浪子，靠嘅係無限嘅溫柔同包容呀！學嘢啦女人們！ |
