| 任何一個香港人都一定有諗過以下呢個問題：如果比我中咗一億六合彩，我會點使呢？有啲人或者會想第二即刻返公司炒咗老細魷魚，跟住即刻坐飛機去泰國按足一世腳；有啲人會即刻買二十個五百萬嘅單位，每個月收住租去按腳；又有啲人會想買車買遊艇買飛機買火箭，總之喺我哋心目中一做咗億萬富翁唯一要做嘅就係「諗有啲咩好做」。但事實又係咪咁呢？英國維珍集團嘅創辦人Richard Branson早前就公佈咗自己一日嘅行程，等大家睇下億萬富翁(準確啲黎講係49億美金富翁)一日嘅生活係點。 | |
早睡早起整理自己
Richard每朝5點起身做運動，之後就係家庭時間，佢就話咁樣會令幫佢準備接下來一日嘅工作。睇落就好正常，除咗對佢黎講「運動」係打網球、跑步、跺單車同埋風箏衝浪，至於早餐就同屋企人一齊食。而佢會咁早起物嘅原因主要係睇Email，話哂佢公司都係跨國企業，喺唔同時區嘅國家都有分部，早啲起身佢就可以比較即時地應對各地嘅情況。 | |
睇新聞同玩Facebook
作為一個億萬富翁，其中一個好處就係冇人逼你朝九晚五要坐喺Office對住部電腦，所以Richard喺工作之間嘅時間就會睇新聞。而咁又會刺激到佢寫Blog。Richard話佢發覺自近年對於睇唔過眼嘅事越講越多，例如對打擊毒品嘅不足、對難民嘅不公待遇、對LGBT嘅歧視等等。不過佢又唔係一咪鬧嘅，久唔久都會放下家庭照、教下人創業咁。 另外佢就話佢完全迷上玩Facebook、Twitter、Instagram等社交網站，佢每日都會上去睇睇大家同佢講啲咩。 | |
飲好多茶
作為一個英國人，鍾意飲茶係好合理。但Richard每日會飲成二十杯，又真係唔係普通「鍾意飲」咁簡單。之於正餐佢通常都係有時間就食，普遍黎講午餐都會係一個Lunch Meeting，如果趕時間就連行路嘅時間都會用黎開會。至於晚餐通常就同一班人一齊食，一路講下各自嘅故事、產生一啲新嘅諗法，然後11點上床瞓覺！ | |
| 佢自己嘅小貼士就會永遠都帶住Notebook喺身——除咗衝浪嗰陣。佢話佢習慣諗到啲咩都一定要即刻記低，如果唔係就會唔知自己做緊咩？ | |
| 睇完一個億萬富翁嘅生活，你又有冇學到啲咩呢？ | |
| Virgin |
