之前一直同大家update《銀魂2　掟は破るためにこそある》（銀魂2　規定就是為了被打破而存在的）真人版電影嘅消息，對上一次官方公開咗柳樂優彌所飾演嘅真選組副長「土方十四郎」宅化後嘅「宅十四」（トッシー），今次官方再度公開真人版嘅演員名單，原來仲有山崎退！

唔知係真心唔記得定搞事，之前官方一直聲稱「公佈晒演員名單，之後就陸續放送花絮同預告」，點知飾演山崎退嘅演員戶塚淳貴喺Twitter自嘲明明自己都有去影海報，但點解冇人公佈，官方見到先say返sorry介紹返，原來仲有山崎退呢一個角色，唔通山崎退真係戲裡戲外都咁冇存在感？會唔會太神還原先？？