之前喺網上流傳一條「魔法陣叉電器」嘅短片，大家都覺得非常Amazing，紛紛問邊度可以買呢個咁夢幻嘅無線叉電器。但原來佢係出自日本影像工作室「Chocolate-inc.」作出嚟嘅「6秒商店」所創作嘅影片。雖然個Product係假嘅，但個Concept勁多人Buy，唔少人都留言話如果第時真係出「魔法陣叉電器」，一定會即時入手！估唔到呢個「魔法陣叉電器」嘅概念話咁快就被商品化，仲話今個月內已經有得買添！

日本知名家電公司「hiro corpo」最近就宣布將於本月開始發售「魔法陣叉電器-MAGIE CERCLE」，對應手機型號為i phone：8/8PLUS/X./XR/XS/XS MAX，售價大約8618日元，並於2018年12月20日開始喺日本各大3C相關產品店發售！

有興趣嘅朋友嚟到日本時不妨去望望呢個型爆嘅「魔法陣叉電器」！