雖然猛男抱枕乜乜乜已經唔係咩新鮮嘢，但市面上仲係咁出新款，證明呢個Product真係有佢嘅市場，一眾女女真係好鬼有渴求！Any肥，過往推出嘅猛男抱枕好多時淨係得個手瓜，老老實實，得個手瓜又邊夠好攬，所以家下韓國又推出新款猛男抱枕，唔只有手瓜咁簡單，仲有埋上半身成副Body，要胸肌有胸肌，要腹肌有腹肌，女女想點攬就點攬，正印男友可以即時甩身唔使再畀條女痴身痴勢，慢慢去打機是也。

呢款肌肉猛男抱枕除咗有胸肌同腹肌代替你滿足女友慾望之外，佢仲好細心地喺手嘅位置加咗魔術貼，就可以模擬擁抱嘅動作，鍾意攬攬嘅女女一定鍾意！

目前呢個肌肉猛男抱枕賣緊28,900韓元，想買畀女友嘅巴打可以上官網睇睇︰https://funingfactory.com/product/detail.html?product_no=3161&cate_no=1&display_group=23