就係呢位「Lucy」究竟係咩人呢?通常呢啲Model都會有個微博,國際化啲嘅仲會有IG、Facebook,理論上你搵到就會知道佢係咩人、影過咩其他相。但呢個Lucy我搵咗成晚咩都搵唔到,就好似佢突然出現影咗呢輯相,然後從此消失得無影無縱。我甚至連個大陸網出、喺Google Play Store都搵唔到嘅APP都Download埋落黎睇(可想而知我決心有幾堅決),但結果都係得個吉。目前唯一可以肯定嘅就係網上對佢嘅描述,咩「90後嫩模」、「國際模特大賽」都係假嘅,因為同一段嘢我見過用黎描述N個女仔。