2019年NBA全明星週末即將黎到，入樽賽、全明星賽預計都係最多球迷期待的。不過，相比過往的賽事，近年嘅入樽賽及明星賽都越來越多負評，除左Zach LaVine及Aaron Gordon嘅入樽對決較為令人印象深刻之外，其餘都沒有太多經典時刻。

而講起入樽賽，大家第一時間都一定會諗起2000年個一屆，因為呢一屆就係被譽為NBA歷史最精彩嘅入樽賽，「半人半神」Vince Carter以多個令人目定口呆嘅入樽，表演式咁完美奪得冠軍。

對於現在嘅入樽賽難以令人引起興趣，Carter又會想點樣改革呢項賽事呢？

Carter：「我會回歸基本，就好似街波一樣。一個人出去入樽，到下一個，然後逐個去。現在入樽賽中的道具我覺得有點被高估了，就向世人展示你的入樽技術，唔需要加入道具或勞煩你嘅隊友去幫你的。」

「出去，然後只要將個波扔出去，然後就係你嘅表演時間，完成你嘅入樽，這就是入樽賽起源嘅方式。」

雖然Carter好似講得好容易，但又有幾多人可以好似佢咁將入樽完美結合力與美呢？所以佢先可以成為入樽嘅代名詞囉。