文:MenClub 波特先生  圖:互聯網
POSTED ON February 15, 2019 2:00 pm

據最新嘅消息指,意甲班霸祖雲達斯對利物浦核心沙拿有興趣,並有意用上戴巴拿加錢去換購呢位埃及射手。

對於意甲黎講,佢地已經認為沙拿將可以成為C朗拿度嘅完美拍檔,二人將可以組成世界最強嘅前鋒組合。

報導指,祖記將會開價5000萬歐元,加上表現未如理想嘅戴巴拿,向利物浦報價沙拿。

去年夏天,祖雲達斯先岩岩以1億歐元簽入C朗拿度,如今再想購入身價應該亦過億嘅沙拿,實在令人對以往不太願花巨額購人嘅祖雲達斯感到意外。

另外,祖記較早前岩岩簽入阿仙奴中場艾朗藍斯,並願意為佢開出僅次於C朗嘅40萬鎊週薪,花費實在不菲。

現年26歲嘅沙拿與利物浦嘅合同將要到2023年夏天先到期,所以如果祖記真係想得到佢真係要花上唔少力氣及籌碼。

不過,對於利物浦黎講沙拿係不可或缺的,佢地正有機會爭奪隊史首個英超冠軍,將佢換黎戴巴拿對球隊實力絕對係不升反跌,更何況戴巴拿其實都已經25歲,但卻仍然未兌現自己嘅全部天賦。