| 女人成日話，著西裝嘅男人最有型，但佢哋冇講嘅係著西裝著得好睇嘅男人先至係有型！而要著西裝著得好睇，除咗要練到一身大衛像肌肉之外，其實就算你肥同矮都有得救！Business Insider就列出咗四款唔同身型男士們揀西裝嘅重點，大記要記實啦！ | |
五短身材的男人
亞洲男人身材普遍偏矮，所以著外國剪裁嘅西裝就好難好睇。所以首先要記住嘅就不妨揀短身剪裁嘅西裝(即係日本Cutting呢~），花紋要揀直紋而避免任何橫線－－即係格仔都唔得。另外要令手腳睇起上黎比較修長，可以選擇褲管比較修身的西褲，以及袖較短、可以露出更多恤衫袖口嘅西裝褸。另外如果想顯得膊頭比較橫，就可以選擇比較闊的西裝領口。而唔戴皮帶、隱藏上下身之間嘅分界線，就可以令比例睇落更平均。 | |
太長的男人
係身長！雖然高係好事，但如果不停強調自己高，有陣時都幾嚇人。所以長人們應該儘量避免令自己睇落更突出。有人話人高就要著三粒鈕嘅西裝，但其實兩粒就已經好夠，三粒其實太Over(文青意見:亦有啲老土…)，而且鈕扣嘅位置要偏低(即係個V開深啲)，睇落個人嘅軀體就會冇咁長。為咗令自己唔好睇落似火柴人，就可以唔露咁多恤衫袖口，褲腳亦可以造長少少。而同矮人相反，戴皮帶可以視覺上修正長人們嘅超人比例，當然直紋亦係長人要避免嘅嘢啦！ | |
月巴的人
月巴的人嘅問題係身體向橫發展，解救方法就係…令自己睇落冇咁橫。所以可以令人睇落高咗嘅直紋再次生效，西裝嘅皮料亦應該儘量輕薄，以免個人更加厚重。腰帶亦會強調肚腩嘅存在，所以可以改用吊帶。而且千祈唔好用窄身領帶，因為放咗上你個廣闊胸襟之後根本就睇唔到，所以要揀返條粗身啲嘅。簡而言之就係要儘量合身，避免繼續增加體積。 | |
太大隻嘅男人
唔好以為一身肌著西裝就一定好睇喎！其實啲肌佬成日逼到個心口就黎爆咁都唔係正確嘅著法！既然心口夠闊，西裝領口就要選擇較小的款式。如果胸真係太大，西裝褸就應該另外買(大小，而非款式)，而且要特別注意兩邊腰線。唔好因為要遷就個心口而令腰圍睇落比實際粗。簡單啲黎講呢，就即係去造西裝就最啱啦！ | |
以上就係Busincess Insider嘅貼士，但文青都有留意到香港男士們著西裝時會疏忽嘅一點，就係扣鈕！其實當中係有準則架！如果西裝得一粒鈕就無時無刻都要扣；兩粒嘅話就只扣第一粒；三粒嘅話中間嗰粒一定扣，最上你自己揀，最下就一定唔扣。而且以上規則只適用於企起身嘅時候！一坐低就要除哂所有鈕架啦！ 希望以上呢啲小貼士幫到大家啦！ |
