用作救援、巡邏、工業嘅機械狗大家就聽得多喇，識噴火嘅你又見過未？最近美國公司Throwflame就推出一款能夠噴火嘅機械狗「Thermonator」，售價為9,420美元。

美國火焰噴射器廠商Throwflame日前推出全球首款噴火機械狗，結合「Thermo」及「Terminator」兩個單字將其命名為「Thermonator」。據了解，呢款機械狗係基於中國科技公司Unitree四足機械人Go 2改裝而成，具備光學雷達(Lidar)避障、FPV導航、雷射瞄準等功能，火焰射程最遠可達9米，並能透過Wi-Fi及藍牙連接到手機進行操作，電池續航能力約一小時。

Throwflame表示，Thermonator可用於農業管理、生態保育、除雪除冰、野火控制及預防、以及娛樂與特效等用途。