本網站正使用 Cookie
我們使用 Cookie 改善網站體驗。 繼續使用我們的網站即表示您同意我們的
Cookie
和
隱私
政策。
/
七年真係癢? 婚後出軌機率
文:MenClub 魏文青
POSTED ON November 11, 2018 1:30 pm
如果黎到2018年你都仲相信愛情必定永遠熱烈如火,咁一係你好好彩,一係你好傻豬。大家都知兩個人一齊耐咗,熱情會慢慢被消磨,好彩嘅就變成感情,唔好彩就開始大家就開始「痕」,而結婚七年就係坊間公認最易有「痕動」嘅時間。原來呢個時間點又真係有啲根據架。
根據Dr.Lehmiller引用嘅嘅一個
近期研究
,訪問過313名平均年齡32-33歲、結咗婚至少一年嘅以色列異性戀成年人,再將佢哋按結婚年期(小於5年,6-10年及11年或以上)分析後發現,整體而言,隨住結婚年期增加,男女雙方出軌嘅機會率亦會隨之增加,但若果以性別分開計,男女出軌率嘅走勢就略有不同。男士嘅出軌率的確隨住結婚年期呈線性上升,亦即年期越長越易出軌;而女性則在中期(6-10年)最易出軌,短期或長期機率都較低。「七年之癢」似乎又真係有根據。
另一個於90年代在美國進行嘅
研究
則發現男女出軌率隨結婚年期上升,去到啱啱好七年就係高峰,之後男女走勢就出現不同。女性出軌率一過七年就慢慢下跌,去到結咗婚20年或以上嘅女姓出軌率已經幾乎跌到零;而男性結婚七年後嘅出軌率雖然下跌,但結婚18年左右又再開始上升,結婚30年或以上嘅出軌率甚至比起「七年之癢」時更高。
順帶一提,「七年之癢」呢個詞係出自1955年由瑪麗蓮夢露主演嘅電影《The Seven Year Itch》,當中被風吹起白裙嘅一幕成為其標誌。
縱然數據有可能受世代文化影響(年長女性更傾向隱瞞出軌),但似乎「七年」真係一段婚姻嘅難關。但大家又要注意,以上兩個研究只係講緊出軌機會,而唔係話結婚七年就一定會(或者一定要)出軌!而出軌嘅原因亦唔一定係結婚年期長短,更多嘅係反映夫妻之間出現問題。都係嗰句,任何關係都要經營同溝通嘅!
COMMENT
< PREVIOUS
非常壯陽 生牡蠣いもこ
2018-11-10
NEXT >
「P.O.P Ver.BB」的Limited Editioin!最性感的娜美女神!
2018-11-12
SOMETHING NEW
03 May 2024
GIRLS
【深夜】 剛剛好的肉地 「竹内花」
黃子華話齋,對女人黎講「瘦」嘅定義係「瘦減十磅」,所以女人一直都覺得自己唔夠瘦,減肥就成為佢哋嘅畢生事業之一。但喺男人嘅角度,就通常都希望女仔身上有啲肉至少係某啲部位有啲肉,甚至我哋其實唔介意女仔有少 ...
READ MORE
01 May 2024
GIRLS
【深夜】韓系美妝KOL原來係寫真女星 「佐野マリア」形象大不同
以外表為賣點嘅幕前工作,好多時都屬於有年齡限制嘅「青春飯」,尤其女藝人到某個年齡段後就好難再維持外表,又要面對年輕後輩嘅挑戰,好多時都需要轉型尋找出路。好似今晚要介紹呢位「佐野マリア」咁,如果你依家去 ...
READ MORE