{ SKIP }
文:傑克  圖:互聯網
POSTED ON 15 Jun 2018
上個月,天文台錄得有記錄以來最炎熱的五月,五月已經熱到一個點,你說七、八月點算好呢?在香港這個石屎森林,叫大家唔開冷氣是不設實際的做法,但開冷氣的電費又確實貴到另一個點。幸好,其實都有方法慳住錢嘆冷氣。

用變頻式冷氣機

唔講未必會留意,其實冷氣機是分為定頻式及變頻式兩種,簡單講後者會因應室溫而自行調節頻率,而前者則不會,需要人手自行調較溫度。根據消委會的測試,變頻式冷氣機平均可省電四成,即係電費都慳唔少啦!

日間外出商場嘆冷氣

作為忙碌的香港人,日間應該在返工返學,開冷氣時間不會多。但放假時,也不妨到各大商場行下街食下野,各大商場的冷氣也是出名勁,唔嘆真係好浪費,同時間又可以省回日間在家開冷氣的電費。

開冷氣時要落窗簾

假設真的沒辦法,要日間在屋內開冷氣,咁就記住要落晒窗簾,避免陽光直接照射,使室內氣溫過高,開冷氣時就不必開high cold浪費電力啦。

勤洗隔塵網

很多人因為怕麻煩或懶,只會一季清洗一次冷氣機隔塵網,但使用冷氣卻非常頻密,以至隔塵網在短時間內已積滿塵埃。最好是每隔兩星期就清洗一次隔塵網,也要定期檢查冷氣機零件,冷氣機效能高,唔使開大都夠涼。

調較時間制臨天光關冷氣

相信大部份人都會開冷氣睡覺,但當大家睡著了,就不會感到溫度的變化。所以,善用時間制將冷氣機調較至清晨關掉,反正關機後冷氣尚能保持一兩小時,早點關機就可節省一兩小時的電費。

一家人享冷氣樂

香港家庭大多一屋幾部冷氣機,分設在客廳、睡房,同時間開晒咁多部冷氣,都幾重皮費。所以,一家人大可一起活動,例如晚上一齊在客廳睇電視,就可以只開一部客廳冷氣,然後大家同一時間入睡,就可以關掉客廳冷氣,才開睡房冷氣,避免同一時間全屋冷氣全開。

鬼才林振強話:「別埋怨入息與才華不平衡,如果平衡的話,閣下的入息可能更低。」這句話可圈可點,之不過橫看豎看,也難以套用到超級無敵神射手Stephen Curry身上。一個重新定義射手為何物的男人,謙卑到一個點的NBA ...
powerandmoney
【巨星Package】 咖哩仔吸金大法
18 Dec 2018
臨近年尾,打工仔都進入放假mode,有咩新目標都等2019年才開始。但世事豈會盡如人意,尤其身在職場,今日唔知聽日事,假設不幸地被告知自己在公司的日子已進入倒數,作為專業打工仔,要走也要走得有尊嚴,況且,今日 ...
powerandmoney
如何應對被裁
17 Dec 2018