{ SKIP }
文:傑克  圖:互聯網
POSTED ON 10 Sep 2018

人類最鍾意自欺欺人,經常跟自己許下一些無謂承諾,例如每到新年都要訂立新目標,卻沒有一次可達標。又例如常跟自己說很多不同的理財及投資說話,但通通都是大話

「出年轉左人工高D既工,到時我一定會開始儲錢。」

理財儲蓄,無收入高低之分,人工高可儲多點,人工低可儲少點,最重要是趁早建立儲錢的習慣,否則即使將來月入十萬,一樣會使乾使淨。

「今個月大使左,下個月使少D囉。」

使錢與儲錢一樣,也是一種習慣,不立即開始建立,就一世都不能成為習慣。所以,不要每個月都推說下個月才做,別再跟自己許下不會兌現的承諾。

「我唔開心想瘋狂購物舒發情緒,發洩完就會慳架喇!」

其實為為甚傷心時要瘋狂購物來舒發情緒?做運動、向朋友傾訴、聽音樂等都一樣可以舒緩不快情緒,使錢都可以,但養成搵借口使錢的習慣,下次開心又話要使錢,過節又話要使錢,HAPPY FRIDAY又話要使錢,BLUE MONDAY更加要使錢,每次都總有藉口!

「接freelance辛苦又搵唔多,不如俾心機做野博加人工好過啦。」

開源是最佳搵錢的途徑,不知有幾多人希望搵多幾份freelance,開拓多幾條水喉。如果有人嫌freelance做得辛苦又搵得唔多,不如休息下,留力工作時勤力做野好過,相信他做正職時也一定不會努力工作,勤力的人又怎會嫌辛苦呢。

「買就一半機會賺,唔買就一定冇得賺。」

股民或賭徒最愛這句說話,這是支持他們落注的原動力。但這句話只反映了一半事實,另一半事實是,買就一半機會輸,唔買就一定保本唔會輸,胡亂買賣多半都沒有好結果,因為講得出這句說話,通常都沒信心這一注會贏,才要說這些打氣說話。

「一日唔賣,一日都仲有機會返家鄉。」

講得出這句說話,相信他的投資經驗尚淺。稍為有資歷,從股海中吸收過教訓的股民,都一定明白未必每隻股票都返到家鄉,舉例說匯豐,2008年金融海嘯跌穿$100後,10年過了都沒法重上$100,雖說多年來收到的股息都足以彌補損失,但想深一層,那舊錢無啦啦被鎖死10年,早點止蝕尋找其他機會,不是更有機會翻身嗎?

「蝕錢我都唔想,但行起衰運來,真係冇辦法。」

投資好,做人做事都好,如果遇上甚麼壞事都將之推卸給運氣,那就注定你一世都行衰運了。記住,只有勤力的人才會找到好運氣。

成世人流流長,總會遇到幾個衰上司。跟著個衰上司工作,就算本來都幾鍾意份工,都可以因為一粒老鼠屎而慘被染污。要踢走衰上司是困難的事,大部份員工只能選擇離開,如果你都遇到有以下行為的上司,就祝你好運了。 ...
powerandmoney
衰上司常見行為
14 Nov 2018
香港打工仔入息中位數是16800元,搵到呢個數,意味著已經高過一半人口,一旦月入有3萬,更是全港收入最高的2成打工仔,簡稱「人中龍鳳」!現在話你知,如果有機會在網壇大滿貫執法一場比賽,也有3萬收入,你會(舌累) ...
powerandmoney
【人工包乜】 網球裁判搵幾多? 
13 Nov 2018