{ SKIP }
文:MenClub 玄火  圖:互聯網
POSTED ON 08 Nov 2018

不敗拳王Floyd Mayweather除了拳拳到肉已經打出名堂之外,其最出名就是女多兼錢多,成日聽人講佢點炫富點晒命,不如睇真啲佢有錢成點:

贏盡全球巨星

41歲的Mayweather職業生涯唔知個輸字點寫,只有成功沒有失敗,在今年《福布斯》運動員收入榜,受惠於2017年的世紀之戰,獨佔鰲頭,處於「半退休」狀態仍能擊敗全球巨星,實在型過核爆。

Mayweather生活浮跨,從來不會放過任何炫富機會,至少擁有兩架私人飛機,今年買入的生日禮物,單是內部設計和裝修已花了百萬美元。目前為止,他擁有接近30輛名車,2016年把人生第一輛車轉贈母親。呢部車是賓士S6001996,「只是」價值50萬美元,是1996年贏得奧運銅牌轉為職業拳手後所買。而價值100多萬美金的型車Bugatti Veyron剛剛面世,已被他一眼看中,豪擲100多萬美元購入。

愛同現金拍片

截至2017年,拳王家中收藏的名錶,數以百計,總值超過640萬美元,大部份都無戴過;他試過凌晨1點起身,抽起條筋去鞋舖掃貨,一口氣買下12雙貴價靚鞋;他自言喜歡聽的「音樂」,就是數鈔票的聲音,又買了一個IPOD聽音樂,最特別的是地方是訂造了一個「純黃盒子」,並在耳機上綁住美元。

一不做,二不休,Mayweather凡事去盡,試過在記者面前公開炫耀1.23億美元的存款,務求令世人滿口葡萄,而且更公開過買彩票的照片,我哋買六合彩最多都係幾十蚊,佢就一次過豪擲110萬美元,根本唔志在輸贏。拳王數口精,可能同經常數錢有關,佢會席鈔票而睡,也會在飛機上捽銀紙,更試過同100萬美元現金拍片,誇張到無朋友。

要幾圓有幾圓

有種富豪刻薄家人,卻在人面充闊佬,但這位拳王就在人前人後都是一個樣,幾乎日日在豪宅大玩酒池肉林的派對,也試過在兒子14歲生日時,邀請著名饒舌歌手和男孩組合,開了「私人演唱會」。今年女兒18歲生日,他送了一隻鑽石戒指,價值500萬美元,足以買到一幢底特律的12房別墅,嘩哈哈!

常言道,有錢有女人,Mayweather深信不疑,女伴貨如輪轉,給女友的「低消」是80萬美元的勞斯萊斯,真是八月十五要幾圓有幾圓,人間胸器要幾胸有幾胸。拳王女友唔易做,其中一名前度曾公開抱怨:「佢好難頂,根本就係折磨!」內容無明言是精神折磨還是肉體折磨,但凡事都是等價交換,就算再難頂,只要做到一時的情人,就能賺到一世的金錢,相信依然有好多人願意飛撲埋去。

各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023