{ SKIP }
文:傑克  
POSTED ON 14 Dec 2018

就到聖誕,就到聖誕,大家開心,玩過痛快!聖誕去旅行,感受不同地區的聖誕氣氛,真係諗起都扯到行晒呀個心情。但係聖誕旺季,旅遊費用好難慳,機票酒店都走唔甩,咁有咩方法可以係冇得慳之中都慳到些少呢?

豪食午餐當晚餐

難得去到外地,當然要光顧該地的著名美食,這亦是很多人旅行的其中一個目的,但食得好有時都所費不菲,只不過山長水遠來到,今次唔食唔知幾時會再來食。其實食好野也可以有選擇,最簡單做法是選擇在午餐吃期待已久的美食,而晚餐則選擇輕食或平食,因為大部份食肆的做法是,同樣的食物或套餐,午市的價錢都較晚市便宜,平起上來可以達到兩三成,選擇午餐食貴野,點都平過晚餐食貴野,而且午餐食得豐富一點,就更有力氣繼續之後的行程,反而晚餐食少一點,對睡眠質素也有幫助呢。

交通工具今晚夜

去得旅行,都想多去幾個地方,如果需要穿州過省的話,不妨選擇乘搭當地的通宵巴士、火車或船,既可省回一晚酒店費,又可感受不一樣的旅行經歷,更可重返年輕時的青蔥歲月。不過,大前題是要閣下擁有在任何環境都能夠安睡的能力,否則翌日沒有精神繼續旅程,就得不償失了。

自製平價日程

自由行相信是大部份人都喜愛的旅行方式,自由度大之餘,價錢也較跟團平一大截。但既然願意自度行程,就不如做得詳盡一點,花多些時間搜集資料,盡量留意當地的交通配套,減少臨場出錯以至要乘搭的士,或要額外買票,省回金錢與時間。另外,留意所去目的地有沒有特別優惠,例如有些景點在每周或有一天免費入場,或某些日子有折扣等,多做好事前功夫,計劃更周詳,減少突發用錢。

帶著阿媽去旅行

最後一招,就是帶埋阿媽去旅行!點解?每當在旅行期間買多了或使多了,都有個阿媽在旁囉唆一下,提醒你要睇住使,就可減少使突了!

2019年已到,明年是2020年,原來又一個十年了!時間不斷飛逝,但我們的工作就日復日、年復年,好像沒有改變過一樣。可能,你的工作目前正陷入樽頸位,唔上唔落,再咁落去,2030年都不會有突破。要找尋突破,不如先由 ...
powerandmoney
工作突破小貼士
16 Jan 2019
1月10日,中超天津權健正式改為,易名為「天津天海」,陣中僅剩下巴西前鋒柏圖一名外援,這場「缺水風暴」分分鐘形成球壇海嘯,淹浸中國球壇。拖糧、欠薪、破產、退出......真的大鑊鳥! 破產倒閉 中美貿易 ...
powerandmoney
【班水回朝】 中國球壇冧檔危機
15 Jan 2019