{ SKIP }
文:傑克  圖:互聯網
POSTED ON 20 Feb 2019

人到中年即是工作了二三十年,就算薪金每年加少少,加足三十年都唔野少,因此,這些坐在中高層拿取高人工的中年打工仔,就是最容易被公司開刀的對象。炒一個隨時可以請番兩三個!所以,人到中年真係不得不為失業早作準備呀!

及早預留應急錢

失業可怕之處,不是失去了穩定的收入來源,而是沒有足夠儲備應付之後的生活。試想像銀行早有幾十萬儲蓄,那麼失業又算得上是甚麼,反而落得清閒,可以抖一抖再拚搏。故此,趁早培養良好的儲蓄習慣,準備好足夠未來六個月生活的金錢儲備,有了堅固的金錢基礎,就唔使怕被炒,如果做得唔開心甚至隨時裸辭都仲得。

切記加入短炒行列

人到中年,在社會上打滾都廿幾年,斷估都識少少理財投資。失業之後百無聊賴,又驚現有資金唔捱得太耐,有不少失業中年會選擇提高風險胃納,將投資方向變為進取,甚至多作短炒,以為可以賺多點來幫補收入。這一著可是大忌,除非有豐富短炒經驗,否則平日忙於工作多作長線投資,突然無事做走去短線投機,一定不會有好結果,隨時連應急錢都蝕埋。

學習多一兩門手藝

失業無事做,應該趁機會反思自己的長處與技能,然後盡量提升及練習,或者多爭取一些專業資格,以幫助自己在相關行業日後發展。又或者,趁機學習未來會有大需求的技能,話唔定因為失業而轉行,係塞翁失馬,焉知非福。

馬死都要落地行

中年漢在中高層都叫略有地位,突然失業會感到無面,隨後再搵工也恐怕未必搵得到同樣職位及薪金的工作,一時間真係好大打擊。但大丈夫能屈能伸,不要被一時三刻的不如意打沉,別讓自己沉淪,要繼續保持健康生活,飲食正常,多做運動,保持正面思想,大不了做些稍低薪金的工作甚至乎是兼職,先減輕經濟壓力,邊做邊搵更好待遇的工作。

泰國愛情小品《去吧 女神兵團》好評如潮,每個在friend zone生活著的男士都感同身受,邊看邊笑邊哭邊慨嘆,何必friend zone選中我?其實呢,一眾friend zone友,真係身中friend zone不知福呀! 成本少,效 ...
powerandmoney
身在Friend Zone不知福
22 May 2019
萬稅萬稅萬萬稅!每年交稅日子殺到,NBA球星同香港人都是一條心,希望用盡方法交少點稅,但是想還想,稅始終要交,球星們雖然腰纏萬貫,但實收的人工隨時少過一半,寶寶有苦無人知。 水漲船高 NBA同NHL的季 ...
powerandmoney
【稅月如歌】呢個時候NBA同香港係一條心
21 May 2019