{ SKIP }
文:傑克  圖:互聯網
POSTED ON 06 Mar 2019

人人都說,讀書時期認識的同學,通常就是一生中最好的知己,因為學習時期大家沒有利益衝突,上堂一起學習,落堂一起玩耍,以心交心,自然容易交到好朋友。但畢業後出來社會工作,大家在公司爭表現爭升職,或者爭偷懶爭卸膊,返工時扮晒friend,放工後各行各路,所以,職場上的同事,多數只能做同事,離職後很難保持友誼。其實,除了職場之上,仲有好多地方識朋友。

尋找運動之友

要成為朋友,就要有共同話題、嗜好,容易打開話匣子,更大機會做到好朋友。因此,做運動算是最容易認識朋友的途徑,因為做運動時不但會經常流連在同一個地方,認識同一班人,而且更易找到志同道合的朋友。球場上的波友、海旁的跑友、健身室的操肌友等等,藉著互相交流運動心得,自然容易成為好友。

多流連在同一地方

正所謂日久就能生情,同學能夠成為好朋友,皆因大家六年時間困在學校日日見面。長大後,要日日都與某些人見面,就要長期在同一處地方流連,例如經常光顧同一間餐廳、咖啡室或酒吧,日日去或隔日去,同一班人見得多了,大家在未認識前已互相對對方留下印象,就可以打開話題,看看是否可做到朋友。

主動認識其他部門同事

職場上難找朋友,因為大家有利益衝突,但一間公司咁大,有咁多部門,銷售部之間有衝突,和設計部、公關部、IT部就冇直接爭鬥,反而大家可以成為好同事般互相幫忙,你幫我我幫你,加快工作進度與效率,更可加深大家的關係。

繼續學習讀書

誰說畢業後就不能重踏校園讀書呢?一邊工作一邊攻讀master,日頭工作,夜晚重返校園,放低日間的面具,在課室交出真心與同學好好認識。冇錢讀master也不緊要,讀些簡單的興趣班,如攝影、語言、烹飪、茶道等,既可學多門手藝,又可從學習中認識到冇機心的好朋友。

泰國愛情小品《去吧 女神兵團》好評如潮,每個在friend zone生活著的男士都感同身受,邊看邊笑邊哭邊慨嘆,何必friend zone選中我?其實呢,一眾friend zone友,真係身中friend zone不知福呀! 成本少,效 ...
powerandmoney
身在Friend Zone不知福
22 May 2019
萬稅萬稅萬萬稅!每年交稅日子殺到,NBA球星同香港人都是一條心,希望用盡方法交少點稅,但是想還想,稅始終要交,球星們雖然腰纏萬貫,但實收的人工隨時少過一半,寶寶有苦無人知。 水漲船高 NBA同NHL的季 ...
powerandmoney
【稅月如歌】呢個時候NBA同香港係一條心
21 May 2019