香港人榮升全球最長壽，真係恭喜晒，如果你係千萬富翁的話。所以，為了退休後生活無憂，越早做定退休規劃就越好，因為財富需要時間累積，越早展開成效越大。事不宜遲，立即開始！

強積金

幾唔情願都好，大部份打工仔都被迫要供強積金，而正正因為打工仔先天對強積金反感，因此亦都冇心機去理，其實今年隨著環球股市回升，打工仔的強積金在3月人均賺了2,378元！如果有好好整合及管理，可能賺得更多。積金局整左個「個人帳戶電子查詢」服務，讓打工仔查閱自己目前有幾多個個人賬戶，然後快手將賬戶整合，由今日開始積極管理，將強積金滾大。

強積金自願性供款

有唔少打工仔，自己強積金戶口唔去理，卻喜愛光顧銀行、保險公司的基金計劃。其實，打工仔都可以選購強積金自願供款計劃，原理和買基金差不多，更著數係今個課稅年度起，選購強積金自願供款計劃可獲最高6萬元扣稅優惠，打工仔欲買基金，不如直接選購可扣稅自願性供款強積金計劃。

延期年金

基金始終有一定風險，大家可能唔想退休計劃承受太大風險，延期年金就係另一種低風險的退休產品。打工仔選購延期年金，在供款期內分期繳交保費，讓銀行在累積期滾存生息，然後在年金領取期每月領取固定金額年金。好處係對於不善理財的打工仔，可以藉此機會培養理財習慣，迫自己每月繳交保費當儲錢，唔會唔小心使晒，老來無依靠。與強積金自願性供款一樣，選購延期年金同樣享有最多6萬元扣稅優惠，不妨認真考慮。

月供股票計劃

香港人始終對股票情有獨鍾，總覺得股票回報高，但識得投資股票的人又有幾多？有心機學習股票投資的人又有幾多？因此，很多銀行推出月供股票計劃，讓投資者以平均成本每月買入一定數量的股票，以此減低市場波動帶來的投資風險。月供股票計劃的股票選擇有很多，而且大部份屬穩健藍籌，也是一種不錯的退休產品。