【香港之光！】門小雷作品登陸新宿伊勢丹

文：MenClub Kay Pang 圖：互聯網
POSTED ON 14 Nov 2017

雖然香港嘅整體社會風氣，都係唔主張推動創意文化，但默默耕耘嘅仍然大有人在，擅長繪畫人物嘅插畫家門小雷（Little Thunder）就係其中一個。熱愛鋼管舞嘅佢繼今年1月份，推出刻畫女性線條美嘅鋼管舞插畫圖鑑《The Blister Exists》後，最近更同日本年輕新勢力女子組合「CHAI」合作，作品更登上日本頂級百貨公司伊勢丹新宿店！

是次門小雷伙拍另一日本人氣插畫家「たなかみさき」，以〝女の妄想〞為主題於新宿伊勢丹展開名為「ハピネス⾹港 Vol.2 〜⼥の⼦たちが惚れる魅惑のピンク⾹港」嘅企劃。門小雷以香港人角度描繪日本女高中生，而たなかみさき則以日本人角度畫香港女高中生。此外，雙方更為CHAI設計一款專屬水杯，順帶一題，CHAI呢隊女子組合對香港特別鍾情，最新嘅單曲《ほれちゃった》更遠赴香港多個地方如尖沙咀文化中心、女人街、廟街、利東街等拍攝，配合趣怪嘅曲風同造型，難怪備受日本年輕一代嘅追捧！