睇足球唔止睇22個男人追住個波跑，其實企係場邊嘅領隊教練曝光率都異常地高，最有名氣當然係德國領隊路維，佢鍾意挖礦兼搲痕，一直係球迷茶餘飯後嘅笑料，但德國隊分組賽已出局，已經冇機會見到。相反，今屆世界盃一早被睇淡的英格蘭，在林伯特、謝拉特、朗尼等球星退役後，英格蘭國家隊踢出來竟然更有板有眼。而當中年輕領隊修夫基(Gareth Southgate），帶領球隊交出好成績之餘，佢官仔骨骨的西裝紳士造型，更令服裝供應商Marks＆Spencer生意激增35％！

有趣的是，今屆世界盃於俄羅斯舉辦，大家想像理應是冰天雪地。但現實是6-7月期間，不少賽事於30度高溫下進行。英格蘭領隊修夫基在幾場分組賽中都選擇輕裝的西裝背心，以代替正式的西裝外套，這大體又不失型格的紳士造型，令英國國內的男士趨之若鶩！加上英格蘭國家隊勝出的氣勢，修夫基於世界盃期間成為型格紳士的指標！

英格蘭國家隊自2007年起便由英國百貨店Marks＆Spencer作為官方供應商。而修夫基出戰世盃時所穿的整套西裝盛惠199英鎊，採用由Yorkshire約克郡的Merino Wool製作而成，性價比極高。至於由修夫基着紅了西裝背心，本來就不屬在套裝，要買的話需額外付出65英鎊(約＄670港幣)，但短短於6月至今，這件西裝背心的銷量已經上升35%，相信這陣西裝背心風潮，會隨住英格蘭於世界盃的成績還有所遞增！