{ SKIP }
文:MenClub 佳拿  
POSTED ON 10 Aug 2018

呢排好多喺香港嘅朋友都喺度追睇緊「中國新說唱」,每次約出嚟都係問睇咗新一集未。但係喺地球嘅另一邊嘅說唱界都有一個人因為推出新專輯引起全城熱話,而嗰位仁兄就係Travis Scott。佢嘅新碟 Astroworld 就出咗大約一個星期,以佢本身嘅實力同知名度,再加上其舖天蓋地而且出位嘅宣傳,銷量當然就係節節上升啦!

成個人頭放喺美國A Bathing Ape間舖門口,仲唔夠出位?

既然呢度係Style專欄,當然唔會剩係講佢隻碟幾好賣幾把炮咁簡單啦,其實佢私底下都好鍾意踩過界,踩去時裝嘅領域。喺上年佢開緊佢個 "Bird’s Eye View" 巡迴演唱會嘅時候,就搵咗佢老友一齊Design咗個Graphic去整件Tee同Hoodie出嚟,仲串到喺佢成個巡迴廿幾場入邊,得New York Terminal 5 嗰一場先有賣。

點解咁串?因為佢老友就係Virgil Abloh。唔識佢?唔緊要,佢即係就係大家口中嗰個 「Off-White 嗰個黑人Designer」呀!除咗人物因素之外,其實喺 New York 開 Show 嗰日仲正正係 Travis Scott 嘅牛一,有哂充分嘅理由去搞串佢啦。

好而家返番嚟2018年8月,佢嘅新碟Astroworld面世,佢朋友 Virgil 亦都有 Design 件Tee 賀賀佢,簡簡單單Quote返兩個人名,加埋隻碟嘅名同出世年份,再加埋兩隻Travis Scott Figure 公仔嘅 Print 印上去,好 Off-White 呀!

試吓搵吓有咩細節位?

另外,Travis Scott 亦因為十分重視今次嘅新碟,仲推出咗一系列同專輯名一樣嘅Merch Collection。除咗一啲設計比較上"例牌"嘅商品例如 加咗Astroworld Logo 同埋 Slogan 嘅幾件商品以外,仲有其他設計上十分有心思嘅商品推出。

好似呢件長袖Crew咁,前面心口位用咗手寫字體寫返 "Wish You Were Here" 嘅 Slogan;又後面就係由人體構造圖,加上地球同埋 Astroworld 嘅彩色字樣組成嘅Graphic,用上螢光色調,Sharp醒得嚟又貼返 Astro 嘅主題,唔講仲以為係 Billionare Boys Club 嘅出品。

仲有呢件Over Dye Tee咁,做咗洗水呢個細節位對我嚟講加咗好多分,而成件衫嘅重點Slogan: ”Stop Tryna Be God”,大家又估唔估到係同邊個講嘅,如果知道嘅朋友你應該會即刻覺得呢件衫十分抵死啜核。

外間其實普遍都認為呢啲為明星推出嘅衣著商品都係 「Fans向」,Design上嘅細節比較少同埋例牌,但係其實呢幾年仍哋已經用咗唔同嘅方向去推出有關周邊,最好嘅例子應該係上年周街都有人著住嘅Purpose Tour系列。今次Travis Scott 方面唔單止設計方面比足心機,仲可以折合返專輯嘅主題。老實講,唔係Fans都想買嚟著。

只可惜嘅係無論係首發同埋琴日嘅閃電Restock都係好快賣哂,不過我就咁諗,既然佢都Restock過一次,加上宣傳期未過,應該仲有好大機會再Restock多次!大家有興趣嘅記住睇實佢個Official Website呀!


Travis Scott Official Website

在1994年拍攝的電影《阿甘正傳》(Forrest Gump),是無數影迷心目中的經典之作,而 Forrest Gump 在電影中穿著的 OG Cortez ,也因電影的推波助瀾之下,而成為了經典鞋款,這雙紅、白、藍配色的 OG Cortez 亦有「阿 ...
style
Forrest Gump 在《阿甘正傳》穿著過的 Nike Cortez 阿甘鞋,以天價 $57500 美元賣出!
28 Mar 2024
現時「Blockcore」風潮大行其道,可不少人也穿上球衣搭配牛仔褲和球鞋,不少時裝品牌也因此而推出新款球衣設計。不過對於英超球會曼城而言,他們更偏向於選擇了「機能風」時尚,皆因在剛剛,曼城宣佈與意大利頂級機 ...
style
C.P. Company 成為曼城合作夥伴,夏蘭特將會穿著 Goggles Jackets 示人?
27 Mar 2024