{ SKIP }
文:MenClub 佳拿  圖:互聯網
POSTED ON 03 Sep 2018

每一年嘅暑假寒假呢兩個長假,都係各大品牌掠水嘅大好時機,因為大家都會喺呢個咁充裕嘅時間,為自己嘅衣櫥增添返啲新衣。就喺上年嘅寒假,同埋今年嘅暑假,Adidas 同 A Bathing Ape 都有推出到聯名系列,分別係 NMD FIRE BALL 系列;同埋 AdiColor By Bape 系列。



就喺兩者駢名嘅熱潮仲喺炒賣巿場炒得火紅火熱之際,佢哋仲係唔肯收手,繼續出招,真係唔比 Fans 們嘅荷包抖吓。

有留意開波鞋嘅潮人應該都有聽過 Py_rates 呢個 Instagram 或者 Twitter ,一個著名嘅外國單位,專係率先大爆各大品牌將會推出嘅一啲爆款炒款,或者係一啲聯名系列。

就喺兩日前,py_rates 就喺 Instagram 出咗呢個有關 Adidas x BAPE 嘅 Feed。



就如 Feed 中所示,Py_rates 就率先爆出 2019 年嘅二月,Adidas 同 BAPE 將會有一連串聯名單品,有 Shark Hoodies (唔知係咪 Full-Zip 啦),美式足球頭盔,仲有兩款波 Boots,理所當然地,每樣單品都有猿顏迷彩啦。

 

同時佢都列出喺出年二月將會推出嘅商品 Summary,除咗上述三件外,仲有早前已經流出嘅兩款Ultraboost,同埋未見有影嘅商品例如 Arm Sleeve 同埋 Football Jersey 等等,值得一提嘅係呢度個 Football 睇怕都係指美式足球,因為美國嘅一二月呢啲時間正正就係美足盛事——Super Bowl 嘅時間。

雖則話呢個只係外間流傳,但係有哂圖有哂時間,加上 py_rates 一路以嚟嘅公信力,都十成九係堅料!而家都只係九月,大家儲子彈都仲儲得切。咩話點解要儲咁耐?!因為要預定啲錢食炒囉!

 

在1994年拍攝的電影《阿甘正傳》(Forrest Gump),是無數影迷心目中的經典之作,而 Forrest Gump 在電影中穿著的 OG Cortez ,也因電影的推波助瀾之下,而成為了經典鞋款,這雙紅、白、藍配色的 OG Cortez 亦有「阿 ...
style
Forrest Gump 在《阿甘正傳》穿著過的 Nike Cortez 阿甘鞋,以天價 $57500 美元賣出!
28 Mar 2024
現時「Blockcore」風潮大行其道,可不少人也穿上球衣搭配牛仔褲和球鞋,不少時裝品牌也因此而推出新款球衣設計。不過對於英超球會曼城而言,他們更偏向於選擇了「機能風」時尚,皆因在剛剛,曼城宣佈與意大利頂級機 ...
style
C.P. Company 成為曼城合作夥伴,夏蘭特將會穿著 Goggles Jackets 示人?
27 Mar 2024