潮流嘅野，永遠都係有規律咁換嚟換去，依家興緊闊，遲下就會興返窄，永冇走雞。但幾時係「遲下」？就要自己拿捏了。於2000年時期，男裝潮流曾經興起一鼓窄牛風潮，曾經因此搭上順風車嘅瑞典品牌Cheap Monday，以低廉的窄牛作招徠，因此而紅遍全球。而Cheap Monday自2008年被H＆M收購後，前後經營十年，最近H＆M方面宣佈2019年6月前將全面結束Cheap Monday的營運，作為曾經的風頭躉，你又會婉惜它的殞落嘛？

在那幾年間Cheap Monday的廉價窄牛潮席捲全球，於潮流名店好像Colette、Lane Crawford、D-mop等亦有引入，而Cheap Monday及後亦推出服飾、內衣、甚至眼鏡、波鞋及accessoires，但Cheap Monday一開始就賣一個字「Cheap」，品牌亦一直只在窄牛市場上雄據，走不出其他範疇。