男士們身上或許無一件嚟自 Tiffany & Co. 出品嘅 Items，但係你同佢嘅關係亦無想像中咁疏遠。因為身邊嘅女性們可能亦曾經為 Tiffany & Co. 推出嘅 Jewelry ，錶等 Accessories 為之瘋狂，所以作為伴侶嘅你難免對其品牌有所認知。

但係近年 Luxury Brand 深受 Street Fashion 文化影響，除咗令 Hi-Street 風格抬頭外，傳統 Luxury Brand 亦有因此改變其銷售方針。以 Tiffany & Co. 作例，其 Lifestyle 支線 "Everyday Objects" 就如街牌一樣將日常用品加以設計及重塑，同時藉此大賣「玩味」情懷，看似無用，卻偏偏 Gimmick 成份重。

無論係各式文具，樂器，運動用品或工具…Tiffany & Co.嘅支線 "Everyday Objects" 均有涉獵在內。當中近期最為人津洋樂道嘅相信就係呢款喺今年年中推出，名為「Crazy Straw」嘅金屬飲管，除咗食正「走塑」風氣外，其價錢亦更加令人印象深刻，最平嗰款已經高達 250 美元。

而最近，Everyday Objects 亦有新商品上架，是次上架新品為一套十粒嘅積木玩具套裝。套裝當中九粒積木以美國胡桃木及純銀打造；而最後一粒則全以純銀打造，而且每一粒積木均附有獨立編號同埋品牌名。而最最最重要嘅價錢，則係一套高達 1650 美金。

有錢，又鍾意砌積木嘅大男孩，今次可以買 Tiffany 比自己啦。