曾幾何時，潮流界曾經出現過一段「黑歷史」－露底褲邊，當時受到大量球星例如「咸爺」David Beckham、龍格堡（Ljungberg）、杜奧巴（很想去捕捉他）、C.朗等等代言內衣品牌，傳到香港後除了CALVIN KLEIN還有Ralph Lauren綠格同Burberry格仔都成為「露底」之定番，甚至有人夠膽死連Giordano都照露。估唔到呢段黑歷史，有機會被Off-White重新帶回香港潮界！

當年因為一班足球巨星引發香港潮童嘅「露底潮」，但其實冇「咸爺」顏值或者C.朗爆肌，真係咪搞咁多嘢啦！

皆因多次為Off-White引起巨大話題性的「Industrial Belt」，最近就被移植到內褲上，其工業風的設計變成橡筋褲頭，並分別備有黑／白兩色版本；至於定價方面呢，Off-White出品自然唔會平得去邊，今次內褲系列將會作一Set三條發售，定價承惠美金$349元，值得與否，大家自行定斷吧！