「你有張良計，我有過牆梯」，早前Grayshift 和 Cellebrite 等第三方公司開發咗可以破解加密 iPhone取得數據嘅工具，為咗堵塞漏洞Apple喺 iOS 11.4 Beta加入「USB 限制模式」。只要7 日內iOS設備未有進行任何解鎖，設備上嘅Lightning接口只可以作充電用途，唔能夠進行USB數據傳輸。

估計iOS 11.4正式版會喺未來數星期內推出，相信推出後除咗第三方公司，各國執法部門破解iPhone或iPad難度都會大大提高。

其實「USB 限制模式」曾經喺 iOS 11.3 Beta出現過，但正式推出時被抽起，或者因為Grayshift等第三方公司嘅破解，令Apple加快推出呢個功能。