Facebook 創辦人兼行政總裁朱克伯格(Mark Zuckerberg)公布將於本星期成立新團隊，研究喺Facebook業務中區塊鏈(Blockchain)嘅潛力，並且改善由劍橋分析(Cambridge Analytica) 引起嘅用戶私隱資料外泄問題。

新成立嘅區塊鏈部門將由Facebook Messenger主管大衛·馬庫斯(David Marcus)負責，而佢亦會卸下Messenger主管一職。事實上大衛·馬庫斯本身美國虛擬貨幣交易平台Coinbase董事，所以由佢嚟負責區塊鏈部門就最適合不過，而佢亦喺Twitter上發文形容區塊鏈部門係新挑戰，對未來感到高興。

Time for a new challenge! After four amazing years leading Messenger, I'm going to setup a small group to explore how to best leverage Blockchain for Facebook. I will miss my fierce Messenger team, but I'm excited about the journey ahead. My full note: https://t.co/nBKAr7vyj9

— David Marcus (@davidmarcus) May 8, 2018

根據Recode報道指，Facebook架構大重組業務將分成3個部分，第一係Apps，當中包括Facebook、Instagram、WhatsApp及Messenger 4大Apps；第二係新平台，除咗有區塊鏈部門外，仲有虛擬實境(VR)、擴增實境(AR)、人工智能(AI)等；最後就係中央產品服務，包括廣告、數據分析等。

來源︰Recode