早兩日Google I/O開發者大會介紹過Google Assistant 中新增嘅 Duplex ，仲即場示範用Duplex打電話去Salon預約剪頭髮，Duplex仲識得「Mm-hmm」、「Er」咁嘅人性化嘅停頓，唔講都真係唔知Duplex係個AI嚟。

正當大家驚嘆Duplex把聲同人類無分別嘅時候，同時呢把幾可亂真嘅聲亦引起咗大眾批評，相信呢種高技落入某國，一定成為電話騙案新工具！Google回應指，將為Duplex加入自我揭露功能，確保Duplex喺對話前表明自己係AI。

Duplex發佈後，網絡專家Zeynep Tufekci喺Twitter撰文指，Google Assistant打電話時假扮人類，不單止無透露自己係AI，仲增加咗「ummm」、「aaah」等聲音欺騙人類，令人震驚。

Google Assistant making calls pretending to be human not only without disclosing that it's a bot, but adding "ummm" and "aaah" to deceive the human on the other end with the room cheering it... horrifying. Silicon Valley is ethically lost, rudderless and has not learned a thing.

— zeynep tufekci (@zeynep) May 9, 2018