一直致力推動環保嘅蘋果公司最近又有新突破，研究出可以去除傳統鋁金屬生產冶煉過程中直接排放溫室氣體嘅技術，呢種專利技術係由蘋果聯同鋁金屬界巨頭 Alcoa Corporation 和及Rio Tinto Aluminum 合資推出。

自2007年開始，蘋果旗下iMac、MacBook等電腦產品陸續轉為鋁金屬外殼，而鋁金屬亦係蘋果產品主要原料之一，型格嘅鋁金屬外殼亦令蘋果產品大受歡迎。所謂「能力越大，責任越大」，蘋果聯同鋁業公司，以及加拿大和魁北克政府合作，一共投資 1.44 億美元資助未來的研究和發展無碳煉鋁項目。

蘋果 CEO Tim Cook 表示，「我哋好榮幸能參與呢個目標遠大嘅全新項目，並期待有一日，蘋果用於製作產品嘅鋁金屬物料，都可以喺不排放溫室氣體嘅方式嚟生產」。

全新鋁金屬生產方式，令冶煉過程釋出氧氣，而唔會產生溫室氣體。

來源：蘋果