提起PlayStation賽車Game一定會聽到呢兩個英文字母—「GT」，《Gran Turismo》幾乎係每一代PlayStation必玩嘅賽車Game。點解會咁經典？答案好簡單，就係夠真實！喺「GT」最新嘅《Gran Turismo Sport》入面，車輛由外觀到內裝都鉅細靡遺咁呈現，連車身塗裝嘅底漆、色漆、清漆等唔同塗層都可以透過物理模擬嚟真實呈現，呢啲就係追求，男人浪漫！

Sony今日宣佈，推出至今已有20年嘅《Gran Turismo》賽車遊戲系列的全球累積銷量現已突破8,040萬套。《Gran Turismo》系列製作人，人稱「GT之父」嘅山內一典先生表示，「實在好難想像《Gran Turismo》喺20年歷史中已經售出咗8,040萬套。玩家付出咗咁長的時間嚟玩我哋嘅遊戲，令我感到非高興！我希望向遊戲嘅玩家，以及我哋喺汽車業界嘅好友及支持者，表達我哋真誠嘅謝意。喺未來嘅日子，我哋會繼續致力製作出最佳嘅車輛及景觀，以及為玩家提供最刺激，最有樂趣嘅賽車體驗。」

以上係《Gran Turismo》賽車遊戲系列由1997年起，推出過嘅12款遊戲。