根據ZDNet一份最新報告，家長用嚟監控青少年嘅App《TeenSafe》  數據被泄漏。《TeenSafe》  聲稱，自己係iOS及Android嘅「安全」監控App，可以俾父母Check仔女嘅短信及位置，並監控佢哋打電話，以及網絡瀏覽記錄、安裝嘅App。

英國安全研究人員Robert Wiggins 發現，《TeenSafe》會將青少年電話數據存放喺兩部亞馬遜服務器上，但呢啲數據並無被保護，更有幾千個賬戶信息被泄漏。其中一部服務器保存測試數據，而另一部包含咗青少年嘅 Apple ID 及密碼，而佢哋家長嘅Apple ID亦不能幸免。

此外，使用 iOS 版《TeenSafe》時用戶必須關閉Apple兩步驗證功能，咁樣會令入侵者輕鬆登錄 iOS 裝置，並查看青少年 iCloud 數據。《TeenSafe》期後向 ZDNet 發聲明指，佢哋已經關閉咗相關服務器，並開始向可能受到影響嘅客戶發出警告。

來源︰9to5Mac