法新社報道指，一封Google內部嘅員工請願書呼籲Google拒絕「戰爭業務」，請願信獲得數以千計員工簽署，更有部分員工憤而辭職，抗議Google與美軍合作。消息指Google為咗平息員工抗議，會喺同美國軍方合作開發A.I.檢測影像技術合約完成後，選擇唔再續約。

Google與美軍嘅合作項目名為「Project Maven」，係通過無人機收集環境及事物嘅影像，然後幫助使用者偵測及確認目標。Google員工反對指，認為Google唔應該將科技應用喺軍事活動，並有違公司「不作惡」嘅宗旨。

Google高層曾辯護指，項目當中涉及嘅雲端計算及數據分析，僅用作非攻擊性任務及幫助拯救生命。Google雲端業務負責人Diane Greene本星期向員工透露，Google會喺明年合約到期後，「Project Maven」。