據路透社消息指，Elon Musk差啲無得做公司主席。Tesla星期二喺美國加州山景城舉行年度股東大會，大會上股東否決咗一項要求主席由獨立人士擔任啲提議，令到Elon Musk唔洗被免去主席職務。

其實喺股東大會之前，係由一間獨立股東提議要求任命獨立人選為主席，並有聲音批評Model 3遲遲未達到產量目標，認為董事會對Elon Musk及Tesla監管不足。Tesla CEO Elon Musk喺成功留任主席後表示，「過去幾個月我好似經歷地獄咁痛苦……但我認為Tesla正實現緊目標」。

但Elon Musk之後指出，公司有望喺今年6月底前達到每星期生產5000架Model 3電動車嘅目標，而目前嘅生產線每星期可以生產3500架汽車。佢喺一眾投資者面前哽咽咁講，「Tesla係用愛嚟製造汽車，而其他公司係由市場營銷或者財務部門嚟製造，所以缺乏咗靈魂。雖然Tesla唔完美，但我哋全程投入製造汽車，而且非常在乎」。

來源︰路透社