任天堂(Nintendo)日前宣布，將會喺今年夏天於日本推出3款全新限定遊戲聯乘New 2DS LL，遊戲包括《Minecraft》、《Animal Crossing》及《Mario Kart 7》。

《Minecraft》聯乘版本嘅主機命名為「MINECRAFT New 2DS LL CREEPER EDITION」，主機外型為綠，機背為「CREEPER」嘅樣子。主機將會喺8月2日推出，內含3DS版《Minecraft》，售價為16980日元(不含稅)。

《Animal Crossing》聯乘版本主機名為「New 2DS LL Animal Crossing amiibo+」，機身以湖水藍配上白色，機背印有「Animal Crossing」字樣，襯上遊戲嘅樹葉圖案。主機將會喺7月19日推出，售價為15980日圓(不含稅)。

而《Mario Kart 7》聯乘版本主機名為「New2DS LL Mario Kart 7」，主機為紅色及黑色配搭，機背用上咗類似車軚質感嘅黑色。新機將會喺7月19日推出，售價為15980日圓(不含稅)。

來源︰任天堂