距離傳聞中Nikon全片幅無反相機發布嘅日子(7 月底)越嚟越近，作為Nikon喺無反相機中嘅先頭部隊Nikon 1系列，已經正式被Nikon 列入咗停產名單，並終止咗系列銷售，啫係話Nikon 1系列正式完成佢嘅歷史任務。

目前Nikon日本官方網站上已經刪除咗Nikon 1系列相關產品，意味住Nikon 將會全力投放喺無反新系列Nikon Z。近年隨住Sony積極開發全片幅無反相機，無反相機已經成為咗專業相機嘅其中一份子，而採用APS-C畫幅嘅Nikon 1系列就變得非常尷尬，所以Nikon今次先會有砍掉重煉嘅舉動。

雖然日本Nikon官方網站上已經刪除咗Nikon 1系列，但香港Nikon官方網站仍然可以瀏覽到Nikon 1嘅產品系列。另外，估計Nikon 最快會喺今個月底發布兩部全片幅無反，分別為 Z300 與 Z500。