三星今日發布咗一款可折疊而且「不碎」嘅OLED屏幕 ，呢款OLED屏幕獲得美國UL認證，喺1.2米嘅高度下進行咗26次Drop Test依然無事。三星表示，該呢款OLED屏幕預計會用於智能手機、平板電腦、便攜式遊戲機、汽車，以及移動軍事設備。

三星喺美國發布嘅呢款「不碎」OLED屏幕通過咗美國勞工部職業安全和健康管理局下屬嘅測試單位(UL)認證，而三星OLED喺Drop Test嘅成績中，1.2米高度跌咗26次後仍保持完好，1.8米單次跌落同樣無損壞；而呢款OLED屏幕經過攝氏-32度至71度嘅極端溫度環境測試後仍然可以正常運作。

三星透露指，「不碎」OLED屏幕係由柔性OLED外附住一層不易碎嘅基質材料及透明紙，唔單止質量更輕，透光率及硬度都可以媲美玻璃。就算係上星期大猩猩發布嘅第一6代康寧玻璃，1米高嘅Drop Test都只係錄得15次跌落後保持完好，較三星新OLED屏幕差。

來源：Cnet