今個夏天有無想出身汗？不妨去到銅鑼灣玩玩3款VR遊戲！希慎廣場喺8月9日至26日將會舉辦《夏日VR明星決戰》，帶嚟咗「動感節拍決戰」、「步步驚心」及「一拳成名」3款VR遊戲，其中「步步驚心」可以話喺嚇破膽，因為要喺迫真VR下由摩天大廈頂層行出獨木橋拎蛋糕，一旦失身就會跌下，雖然遊戲係虛擬，但仍然會感受到強離心力。

「動感節拍決戰」、「步步驚心」及「一拳成名」3款VR遊戲均採用咗HTC虛擬實境系統VIVE Pro，呢款VR系統配備咗雙OLED熒幕，影像解像度高達到2880x1600，所以遊戲感受非常真實。喺傳媒試玩「步步驚心」時，筆者都被遊戲環境嘅真實情度所嚇到，失足跌下時亦感受到強離心力，期間除咗有男記者驚到唔敢玩，亦有女生玩到跌到，可想而知幾迫真。

另一VR遊戲「節拍能力者」係會手持虛擬盾牌，隨音樂拍子擊落從四方八面襲來的「紅」、「藍」能量球，呢個遊戲最考驗玩家節奏感，並可以雙人對戰。而「一拳成名」需要用雙拳打向高速嘅「紅」、「藍」能量球，非常考驗玩家反應。

參加「動感節拍決戰」需要喺利園區單一消費滿HK$300；玩「步步驚心」要下載Lee Gardens手機應用程式，憑專屬邀請碼「18summer」登記成為Lee Gardens Plus會員；而「一拳成名」免費開放予公眾。