買咗部新電話，當然唔想跌落地就「爆mon」，所以揀一個跌極都唔爛嘅保護殼係非常重要。知名手機保護殼品牌LifeProof為Apple新推出嘅iPhone Xs、iPhone Xs Max及iPhone XR推出咗3款保護殼，除咗防跌、防塵，仲可以防水、防刮，鍾意戶外活動嘅用家就啱晒。

LifeProof推出嘅保護殼有3個系列，其中SLɅM 系列最輕薄嘅一款，保護殼具有美國防摔軍用規格認可，除咗有2 米高度防跌，保護殼嘅Bumper仲可以防刮。

NËXT 系列係三防保護殼，除咗有美國軍工認證，達到防摔 IP- 5X 等別嘅2米防跌之外，三防仲包括咗密封防塵、防雪及防冰。

如果要有滴水不漏嘅保護，仲有FRĒ 系列嘅四防全方位保護殼。佢嘅保護殼係360度全包型，保護殼內仲內置咗一塊防刮屏幕，同樣有符合美國軍工規格 2 米防跌，仲有達 IP-68 等級嘅2 米防水密封防塵。

來源︰LifeProof