網上波飛銷售平台Ticketgum對擁有《FIFA 19》及《PES 2019》嘅英國球迷做咗一項調查，其中有60%球迷寧願玩《FIFA 19》等足球遊戲，而唔係喺電視睇足球比賽或者買飛到現場睇波。大家又有無試過明知場波係「西波」，寧願走去同朋友玩《FIFA 19》都唔睇呢？

Ticketgum向1284位嚟自英國各地球會嘅Fans進行調查，除咗有6成球迷寧願玩足球遊戲多過去睇波或者到現場睇波，更有54％受訪者認為《FIFA 19》及《PES 2019》錦標賽應被歸類為真正運動。另有仲有78％人拒絕喺足球遊戲中扮演心愛球隊嘅主要死敵，唔知皇馬巴塞球迷又會唔會用對家球隊呢？

香港人多數都睇歐洲波，亦好少可會咁神心飛過去睇，而喺英國寧願打足球遊戲都唔喺電視睇波嘅球迷中，認為睇晒90分鐘足球比賽唔夠打足球遊戲咁有趣佔最多，而有13%球迷認為打足球遊戲比現實比賽更加難以預測。Ticketgum發言人表示，未來隨住足球遊戲變得越嚟越好，虛擬與現實之間嘅足球界線將會變得更模糊。

來源：GamesRadar