{ SKIP }
文:MenClub 路易斯  圖:互聯網
POSTED ON 18 Oct 2018

日本除咗致力推出超薄安全套外,噚晚日本電信商DoCoMo亦推出咗只有5.3mm厚度嘅全球最薄智能電話「卡片手機(カードケイタイ)」,手機大小只有一張信用卡咁大,而功能包括簡單上網、短訊、通訊錄、日曆及筆記本等,並支援4GWi-Fi上網。

DoCoMo推出嘅「卡片手機」由Kyocera開發,厚度只有5.3mm及重約47g,而手機螢幕亦只有2.8吋,係全球最輕薄嘅智能電話。點解呢部機可以造到咁輕薄?因為手機螢幕採用咗E-ink觸控螢幕,除咗令手機更薄外,喺靜止狀態手機完全唔會消耗電力;不過E-ink都有佢嘅缺點,就係螢幕反應非常慢,解像度只有600 x 480,亦只能限顯示黑白顏色。

呢部「卡片手機」雖然又輕又薄,但功能上有唔少限制,除咗以上缺點外,佢亦無相機功能及無法下載Apps。不過DoCoMo的社長吉澤和弘就指出,「希望擁有易於攜帶嘅簡單手機呼聲有好多」;筆者認為作為後備機都係唔錯選擇,始終備用時間長及非常輕薄。


「卡片手機」將於今年11月底推出,而用家必須使用DoCoMo網絡先可以購買手機,如果簽約242GB Plan計算,可以用零機價得到手機,每月為約241.6港元。

來源:Engadget

自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024