NASA(美國太空總署)與一眾天文學家搞搞新意思，為咗紀念Fermi Gamma-ray Space Telescope(費米伽瑪射線望遠鏡)運作10周年，日前公布咗21個新命名嘅星座。新星座由唔同電磁波長嘅伽瑪射線相連而成，而星座更命名為日本科幻怪獸「哥斯拉」、Marvel英雄「變形俠醫」以及「小王子」等有趣名稱，一齊睇吓仲有特別名！

除咗個個都認識嘅12星座外，其實喺N年前由IAU(國際天文學聯會)所定義嘅星座一共有88個，包括獵戶座、仙后座等以希臘神話人物及動物命名。適逢今年係負責監測宇宙中高能量活動嘅Fermi Gamma-ray Space Telescope運作10周年，NASA及世界各地天文學家為21個新星座命名。其中由於電影角色「哥斯拉」噴出火焰時，與伽瑪射線形成嘅「Gamma Ray Burst(伽瑪射線暴)」相似，因此以此命名。

除咗「哥斯拉」外，新星座仲有Marvel英雄「變形俠醫」、著名已故科學家「愛因斯坦」、「小王子」等。

另外仲有唔同嘅地標，包括日本「富士山」、法國「艾菲爾鐵塔」、意大利「羅馬鬥獸場」等。相睇更多星座可以Click入「https://fermi.gsfc.nasa.gov/science/constellations/」！

來源：CNet